Wednesday, 3 August 2016

மாநிலப்பொருளாளர் பணி நிறைவு...

எண்பதுகளின்  துவக்கத்தில்  நான் தபால் தந்தித்துறையில் எழுத்தராக வேலைச்சிறையினில் அடைபட்ட சமயம். 1981 டிசம்பரில் கல்கத்தா அகில இந்திய மா நாடு.அப்புறம் 1982 மயிலாடுதுறை மா நில மா நாடு.அப்போதிருந்து நான்  பார்த்த ஒரு தோழர். ஒவ்வொரு கேள்வியும் கோடி பெறும். அத்தகைய ஆளுமை கொண்ட  அருமை நண்பர் கடலூர் வெங்கடேசன் பணி நிறைவு பெற்று விட்டார் (31/07/2016) என்பதை ஒப்ப மனம் மறுக்கிறது...


Point of order என்று அறிஞர் அண்ணா போல ஓர் விரல் உயர்த்தி நின்ற அந்த குரல்  பழைய NFPTE சங்கத்தில் ஒலித்துக்கொண்டே இருந்தது... அது   சென்னை (அ இ மா நாடு 1984) , தஞ்சாவூர் 1986 , கோயமுத்தூர், சேலம், தஞ்சாவூர் என தொடர்ந்து கொண்டே வந்தது. அந்த நீள் பட்டியலில் கடைசியாக 1994 ஏப்ரல் திருவனந்தபுரம் அ இ மா நாடு... மொனி போஸ் மற்றும் நம்பூதிரி தலைமையில் இயக்கம் கண்ட நேரம் அது. அப்புறம்  நாம் காலத்தில் கைகளில் சிக்கி அதிகாரிகளாக உருமாற்றம் கண்டோம். தோழர் வெங்கடேசனைப்போல் நானும் தான். கால நதியின் கட்டளைக்கிணங்க இந்தப்பணி நிறைவை ஏற்றுக்கொண்டாலும் முரண்பட்ட சமூகத்தில் செய்ய வேண்டிய வேலைகள் ஏராளம் காத்திருக்கிறது . அம்பானிகளுக்கு ஆயிரக்கணக்கான கோடி ரூபாய்கள் அள்ளி வழங்குவதும் மத்திய அரசு ஊழியர்களுக்கு 14 சதமானத்திற்கும் அதிகமாக சம்பள உயர்வு கொடுக்க இயலாது என்னும் கொடூர மன நிலையினை எதிர் கொள்ள வேண்டிய கட்டாயத்தில் ஒவ்வொருவரும் இன்றைக்கு...

அவரது பணி நிறைவு... 

அதனை ஒட்டிய  AIBSNLEA TN CIRCLE கடலூர் 

செயற்குழு...05/08/2016 

சந்திப்போம் ...சிந்திப்போம்...

வாழ்த்துகளுடன்,


-அ. நாராயணன் மூத்த கணக்கதிகாரி

No comments:

Post a Comment